انا وفاء بني ياسين
اتممت ال 24 من عمري
ان شاء الله هالسنوات ما تكون هدر في حياتي
هندسة وأمن شبكات الحاسوب
دفعة 2011 
أول مره دخلت فيها التكنو كانت بالأول ثانوي اقيمت فيها امتحانات ع مستوى المملكه ليقيموا الطلاب ب مواد الكيمياء والفيزياء والأحياء ، وحكيت رح ارجع على هالجامعه كطالبه ان شاء الله .

كنت حابه ادرس طب بس الحمد لله المعدل ما سمح 95.1

فقررت ادرس شبكات كون التخصص جديد وكثير مطلوب بسوق العمل.

وفعلا حطيته بعد الهندسه المدنيه مع انه كان في كتير تخصصات يتقبل معدلي
دخلت اول فصل معدلي كان 76.2
وصل للمتاز ع سنه ثانيه 
وطلعت مرتين ع لوحة الشرف الحمد لله
وتخرجت 82.3
الحمد لله اقل علامه فيزياء 1 عند دكتور بسام الشلبي الله يرحمه كانت 54 واعلى علامه لاب السي++ 100

فترة الجامعه كانت من اروع الفترات
وكل فتره الها طابعها وخصوصياتها.
كثير غيرت فيني وبشخصيتي وأضافت كثير مش بس دراسيا واجتماعيا وإطار الادراك وصحبه كمان غير طريقة التفكير الحمد لله انه اضافت اشياء كثيره

والحمد لله دكاتره القسم كانوا كثير مناح واعطو من مجهودهم واخلصوا ولحد الان في الشغل عم بلمس هالإشي
وما عم بواجه اي مشكله في اشي جديد لانه الاساسيات انعطوا صح

تقريبا صارلي سنه متخرجه
غيرت الشغل 3مرات بهاي السنه
قبل كنت متدربه بزين وكانت تجربه جميله

وبس تخرجت اشتغلت بمنظمة immap. شهرين ونصف 
Information management
بعدها انتقلت ع شركة Estarta ظليت تقريبا 7 اشهر بالفيروول تيم as Customer support engineer

وهلا حاليا بوظيفه حكوميه في البنك المركزي

جربت جميع الوظائف من حكومي لخاص لمنظمات كل واحد اله طابع ومحاسن وسيئات واحلى شي المنظمات من ناحية الاجتماعيه

هلا وظيفتي مساعد مفتش عالبنوك التجاريه جميعها في الاردن من ناحية امن وتكنولوجيا المعلومات + مدقق امن المعلومات عددها 25بنك
Security auditing+bank existor

وان شاء الله بعد عشر سنين رح يكون الي اسم كفتاه عربيه في مجال امن المعلومات قولوا"امين"

وبتظل اتذكر كلمة د.عبدالله معايطه
انتي رح تكوني بمحل يصعب الاستغناء عنك فيه
والحمد لله أثبتت لحالي هالشي مرتين

حاليا بشتغل ع شهادتين مهمات cisa من ISACA 
Cyber security certificate من. Cisco

والشهاده الثانيه لسا جديده ان شاء الله انجح فيهم

وان شاء الله اذا سمحت الفرصه رح كمل دراسه ماستر ودكتوراه في احد دول اوروبا او كندا

بالاضافه الى كل هذا بأوقات الفراغ عم حاول نمي مهارة الرسم عندي ويعني لسا في البدايات بس ان شاء الله بتصير احتراف

وطبعا يلي اكتشفته انه بعد التخرج لازم تشتغل ع حالك اضعاف الجامعه + اي شهاده جديده تاخذها خصوصا اذا كانت هالشهاده مطلوبه في سوق العمل + انت لازم تدور عاللي بينفعك ما حدا رح بحكيلك الا ما رحم ربي

"الناس يلي دائما كانوا يحبطوك رح يقلدوك لما تنجح"

وبشكر والداي يلي دائما بستحملوني وبوقفوا جنبي وبيعذروني ع كل شي الله يحفظلي ياهم